𝗙𝗮𝗿𝗶𝘁𝗿𝗮 𝗔𝗻𝗮𝗹𝗮𝗺𝗮𝗻𝗴𝗮 | 𝗡𝗶𝘇𝗮𝗿𝗮 𝘃𝗮𝗿𝘆 𝗵𝗼 𝗮𝗻’𝗶𝗿𝗲𝗼 𝗼𝗹𝗼𝗻𝗮 𝘀𝗮𝗵𝗶𝗿𝗮𝗻𝗮 𝗻𝘆 𝗠𝗶𝗻𝗶𝘀𝗶𝘁𝗿𝘆 𝗻𝘆 𝗠𝗽𝗼𝗻𝗶𝗻𝗮

Araky ny baiko avy amin’ny Filoham-pirenena Andry Rajoelina dia nidina an-tsehatra nizara vary ho an’ireo tokatrano sahirana ny Minisitry ny Mponina SOAFILIRA Princia.

Manomboka izao hoy izy dia ho atao vaindohan-draharaha ny fizarana vary ho an’ireo tokatrano tena sahirana. Natomboka teto Antananarivo izany ka ho atao isa-kerinandro amin’ny faritra maro manerana an’i Madagasikara.

Tamin’ity andiany voalohany ity dia tokatrano miisa 270 avy ao amin’ny fokotany Ambalavao Isotry sy Anaty Hazo Isotry ary Antetezana Afovoany no nisitraka izany izay nahitana vehivavy sahirana ara-pivelomana sy zokiolona ary olona tra-pahasembanana.