𝗙𝗮𝗿𝗶𝘁𝗿𝗮 𝗔𝗻𝗼𝘀𝘆 | 𝗔𝗺𝗯𝗼𝗮𝘀𝗮𝗿𝘆 𝗔𝘁𝘀𝗶𝗺𝗼 – 𝗞𝗮𝗼𝗺𝗶𝗻𝗮 𝗠𝗮𝗵𝗮𝗹𝘆

Tany mahavokatra ny ao amin’ny fokontany Amboangy fa noho ny tsy fahampian’ny fitaovana sy ny rano dia misedra ny kere ihany koa izy ireo. Anisany nisitraka fizarana sakafo ihany koa izy ireo miampy lelavola izay natolotra an’ireo fikambanam-behivavy.

Nanentana ny Minisitry ny Mponina ny amin’ny

– fampidirana ireo ankizy an-tsekoly ;

– fampitsaharana ny fampiasana ireo zaza tsy ampy taona amin’ny fitrandrahana harena ankibon’ny tany ;

– fampitsaharana ny fandefasana ireo zatovovavy hanambady aloha loatra ;

– fanaovan’ireo vehivavy ny fandrindram-piterahana ka ireo lehilahy mba hanaiky izany ihany koa.

Nampanantena izy fa ho atao afaka fotoana fohy ny Tranon’Ampela izay toerana afahan’ireo vehivavy mifanakalo hevitra sy mamolavola tetik’asa enti-mivoatra.

Nanamafy ireo tomponandraikitra ao an-toerana fa voalohany amin’ny tantaran’ny Kaomina Mahaly no nisy Minisitra sahy nitsidika noho ity faritra ity izay voakilasy ho mena amin’ny tsy fandriam-pahalemana.