𝗙𝗶𝗵𝗮𝗼𝗻𝗮𝗻𝗮 𝗮𝗺𝗶𝗻’𝗶𝗿𝗲𝗼 𝘇𝗮𝘇𝗮 𝗸𝗮𝗺𝗯𝗼𝘁𝘆 𝗮𝗼 𝗮𝗺𝗶𝗻’𝗻𝘆 𝗔𝗸𝗮𝗻𝘆 𝗦𝗮𝗶𝗻𝘁𝗲 𝗙𝗮𝗺𝗶𝗹𝗹𝗲, 𝗙𝗮𝗿𝗶𝘁𝗿𝗮 𝗕𝗼𝗲𝗻𝘆 | 𝗠𝗮𝗵𝗮𝗷𝗮𝗻𝗴𝗮 𝗜

Zaza narian-dray aman-dreniny sy zaza kamboty ary zaza tsy misy mpiahy no beazina ao amin’ny Akany Sainte Famille Ambohimandamina. Ny vokatra azo avy amin’ny fambolena sy ny fiompiana ataon’izy ireo ihany ataony sakafo miampy ireo karazana fanampiana izay azony. Ireo zaza kosa dia mipetraka ao amin’ny Akany ary mianatra any amin’ny sekolin’ny Masera.

Ho fanohanana azy ireo dia nitondra vatsy ara-tsakafo sy fitaovana maro ny Minisitry ny Mponina Michelle Bavy Angelica notronin’ny Governora Mokhtar Salim sy ireo manampahefana ao an-toerana. Nanome toky azy ireo ny Minisitry ny Mponina fa tsy ho avelany irery izy ireo.