𝗡𝗔𝗛𝗔𝗭𝗢 𝗕𝗜𝗥𝗔𝗢 𝗛𝗔𝗡𝗗𝗥𝗔𝗜𝗦𝗔𝗡𝗔 𝗡𝗬 𝗠𝗣𝗢𝗡𝗜𝗡𝗔 𝗔𝗢 𝗔𝗠𝗜𝗡𝗬 𝗡𝗬 𝗗𝗜𝗦𝗧𝗥𝗜𝗞𝗔𝗡’𝗜 𝗠𝗔𝗡𝗔𝗡𝗔𝗥𝗔 𝗔𝗩𝗔𝗥𝗔𝗧𝗥𝗔

Nitokana fotodrafitrasa maro tao amin’ny distrikan’i Mananara Avaratra ny Filohan’ny Repoblika Andry RAJOELINA ny alahady 04 jona 2023.

Anisany notokanana ny biraon’ny sampandraharahan’ny mponina ao an-toerana izay ahitana birao 3, toeram-pivoriana 1, toerana fitahirizana taratasy 1, toeram-pidiovana 2 ary toerana fandraisana ireo mpitsidika 1.

Notoloran’ny Filoha fauteuil roulant sy lelavola ireo olona manana fahasembanana ary milina fanjairana ho an’ireo fikambanam-behivavy.

Nanotrona azy tamin’izany ny Minisitry ny Mponina SOAFILIRA Princia sy ireo mpikambana ao amin’ny Governemanta ary ireo tomponandraiki-panjakana avy ao an-toerana.