𝗡𝗔𝗡𝗔𝗠𝗔𝗥𝗜𝗞𝗔 𝗡𝗬 𝗜𝗥𝗔𝗬 𝗩𝗢𝗟𝗔𝗡’𝗡𝗬 𝗙𝗜𝗔𝗛𝗜𝗔𝗡𝗔 𝗔𝗥𝗔-𝗧𝗦𝗢𝗦𝗜𝗔𝗟𝗬 𝗜𝗛𝗔𝗡𝗬 𝗞𝗢𝗔 𝗡𝗬 𝗧𝗔𝗢 𝗔𝗠𝗜𝗡’𝗡𝗬 𝗙𝗔𝗥𝗜𝗧𝗥𝗔 𝗔𝗡𝗢𝗦𝗬

Niompana tamin’ny ady hevitra sy lahadinika maromaro ny iray volan’ny fiahiana ara-tsosialy izay natao tao Faradofay :

 ny fampivoarana ny fiahiana ny ankizy, ny fandraisana an-tanana sy ny fisitrahan’izy ireo ny zony ary ny fampivoarana ny maha olona ;

 ny fanatsarana ny paikady hoentina manatanteraka ireo tetikasa sy asa fiahiana sosialy ho fiatrehana ny voina sy loza ho an’ny faritra Anosy sy Androy.

ny ady hevitra sy fifanakalozan-kevitra ho fanatsarana ny paikady nationaly momba ny fiahiana ara-tsosialy izany.

Samy naneho ny fahavononany ny amin’ny fanohanana sy ny fanatsarana ny fiaraha-miasa amin’ny fanatanterahana ny potilikan’ny fiahiana ara-tsosialy indrindra ny fampivoarana ny tontolon’ny ankizy, ny fahasalamana, ny fanjarian-tsakafo, ny fampianarana ao amin’ny faritra Anosy sy Androy ireo tomponandraiki-panjakana sy ireo mpamatsy vola ary ireo mpisehatra tonga nanatrika ny fankalazana tany an-toerana.