𝗡𝗶𝗵𝗮𝗼𝗻𝗮 𝘁𝗮𝗺𝗶𝗻’𝗶𝗿𝗲𝗼 𝗳𝗶𝗸𝗮𝗺𝗯𝗮𝗻𝗮𝗺-𝗯𝗲𝗵𝗶𝘃𝗮𝘃𝘆 𝗮𝗼 𝗮𝗻-𝘁𝗼𝗲𝗿𝗮𝗻𝗮 𝗻𝘆 𝗠𝗶𝗻𝗶𝘀𝗶𝘁𝗿𝘆 𝗻𝘆 𝗠𝗽𝗼𝗻𝗶𝗻𝗮, 𝗙𝗮𝗿𝗶𝘁𝗿𝗮 𝗕𝗲𝘁𝘀𝗶𝗯𝗼𝗸𝗮 | 𝗠𝗮𝗲𝘃𝗮𝘁𝗮𝗻𝗮𝗻𝗮

𝗡𝗶𝗵𝗮𝗼𝗻𝗮 𝘁𝗮𝗺𝗶𝗻’𝗶𝗿𝗲𝗼 𝗳𝗶𝗸𝗮𝗺𝗯𝗮𝗻𝗮𝗺-𝗯𝗲𝗵𝗶𝘃𝗮𝘃𝘆 𝗮𝗼 𝗮𝗻-𝘁𝗼𝗲𝗿𝗮𝗻𝗮 𝗻𝘆 𝗠𝗶𝗻𝗶𝘀𝗶𝘁𝗿𝘆 𝗻𝘆 𝗠𝗽𝗼𝗻𝗶𝗻𝗮

Faritra malaza amin’ny fisian’ny volamena, trondro ary vokatra rafia tsara ny Faritra Betsiboka. Betsaka anefa ny olona tsy an’asa noho ny tsy fahampian’ny traikefa sy ny fitaovana enti-mamokatra.

Tonga tao an-toerana ny Minisitry ny Mponina Michelle Bavy Angelica sy ireo mpiara-miasa aminy nitafatafa tamin’ireo mponina ao Maevatanana. Fitaovana maro no natolotra ho an’ireo fikambanam-behivavy, ny Croix Rouge sy ireo tantsaha ary ireo olona tra-pahasembanana : milina fanjairana, fitaovana enti-mamboly, vary, menaka, savony, fitaovana ho an’ireo olona tra-pahasembanana ary fitaovana enti-miaro tena manoloana ny Covid19.

Ho fizakan-tenan’ireo vehivavy dia ho atao ny fampihofanana arak’asa arahina fampitaovana azy ireo.

Noamafisin-dRamatoa Minisitra nandritry ny lahateniny fa tsy maintsy arahi-maso ihany koa ny fivoaran’ireo mpila ravinahitra avy any Atsimo izay mila ravin’ahitra ao Maevatanana.

Nandritra ny fitsidihana dia notronin’ireo tomponandraikitra sivily sy miaramila tao an-toerana ny Minisitra sy ireo mpiara-miasa aminy.