🇲🇬ANDRO IRAISAM-PIRENENA HO AN’NY VEHIVAVY – 08 Martsa 2022
« Viavy miavotse, miavotra sy mifanampy, taratry ny fitovian-jo sy antoky ny antoky ny fampandrosoana lovain-jafy »
Maro ny hetsika notanterahina nanerana ny faritra 23 nanamarihana ny andro iraisam-pirenena ho an’ny vehivavy. Nanamarika ny ivon’ny fankalazana natao tao Antsirabe ny filatroana lehibe tao amin’ny kianja manara-penitra Antsirabe sy ireo trano eva isan-karazany izay nampiratiana ny vokatra sy ny asa tanan’izy ireo.
Taorian’ny fankalazana dia nanatanteraka lahadinika niaraka tamin’ireo fikambanam-behivavy ireo ny Minisiteran’ny Mponina izay notarihin’ny Talen’ny kabinetra Ramananirina Yan Wilfried sy ny Sekretera Jeneraly Rakotonirina Patricia.
Ireo fikambanana VIAVY MIAVOTSE ireo dia napetraka mba hitana andraikitra sy hampiakatra ny feo eny amin’ny fiaraha-monina mba ho vehivavy mpiatrika amin’ny sehatra rehetra indrindra hifanampy amin’ny asa fivelomana.Tanjona ny hananan’izy ireo fizakan-tena ara toe-karena ka hitondra fampandrosoana ho an’ny firenena.
Araka ny fampanantenana nataon’ny Filoham-pirenena Andry Rajoelina dia hanampy azy ireo amin’ny fampitaovana sy fampiofananana ary amin’ny fanohanana ara-bola ireo tetik’asa sahanin’izy ireo ny Fanjakana Malagasy.
