ANDRO IRAISAM-PIRENENA HO AN’NY ZOKIOLONA 2020 (Tohiny)

ANDRO IRAISAM-PIRENENA HO AN’NY ZOKIOLONA 2020.

« Aza atao ankilabao ny Zokiolona ». Lohahevitry ny fankalazana ofisialy ny andro iraisam-pirenena ho an’ny Zokiolona tarihin’ny Minisiteran’ny Mponina natao teto an-tampo-tanàna Mandritsara, Faritra Sofia ny 1 oktobra 2020.

Nosantarina ny 28 septembre 2020 tamin’ny fizaham-pahasalamana, maso, diabète, tosidra ireo Zokiolona niaraka amin’ireo Minisiteran’ny Mponina sy ny fahasalamana. Teo koa ny 60mn ho an’ny Zokiolona nanaovana fitotoana vary sy fatsakana rano ho azy ireo ny teto Mandritsara. Zokiolona roa no nahazo izany tamin’ny vondron’olona tsara sitrapo.

Natomboka tamin’ny fametrahana samboady ireo Ben’ny tanàna 29 eto amin’ny distrika Mandritsara ny fankalazana nasionaly.
« Aza atao ankilabao ny Zokiolona » hoy ny solotenan’ny ankizy.
Nanome tsodrano ny Solotenan’ny zokiolona.
Nanamafy ny fanohanany Zokiolona sy ny fiaraha-miasa amin’ny Minisiteran’ny Mponina ny Solotenan’ny Fondation BOA Madagasikara. « Hajao Ray aman-dreninao raha te ho ela velona ianao »hoy ny Governoran’ny Faritra Sofia raha nitondra ny lahateniny sy nanafatra manokana ny mpiasam-panjakana mba handray manokana ireo Zokiolona ho lohalaharana amin’ny atao rehetra.

Ny Sekretera Jeneralin’ny Minisiteran’ny Mponina kosa nanamafy fijeren’ny fitondram-panjakana amin’ny alalan’ny Minisiteran’ny Mponina ireo Zokiolona amin’ny fametrahana ivo-toerana sy fanampiana ny fanaraha-maso ny fahasalaman’izireo.

Nitohy tamin’ny fanolorana ny fanomezana ho an’ireo Zokiolona miisa 600: fanampi-tsakafo sy botofotsy, vokatry ny fiaraha-miasa amin’ny Minisiteran’ny Mponina sy ny Fondation BOA Madagasikara. Taorian’izay ny fanolorana
Machine à coudre, latabatra, seza ho an’ny fikambanan’ny sembana avy amin’ny Minisitera. Fampisarognana ireo Zokiolona roa mihoatra ny zato taona. Nifarana tamin’ny sakafo mitam–pihavanana.

Nisolo-tena an-dRamatoa Minisitry ny Mponina ny Sekretera Jeneralin’ny Minisitera. Nanome voninahitra ny fankalazana ihany koa ny Lehiben’ny Faritra Sofia, ny Solombavambahoaka avy eto amin’ny faritra, niaraka tamin’ireo manam-pahefana sivily sy miaramila ary ireo mpandraharaha eto an-toerana.

« Fitia mifamaly mahatsara fihavanana »