ATRIKASA MANDRITRY NY 02 ANDRO HO FANATSARANA NY BOKY MIRAKITRA IREO TOROLALANA MAHAKASIKA NY FIAHIANA ARA-TSOSIALY HO FIATREHANA NY LOZA ANY ATSIMO

Anisany faritra misedra karazana loza maro ny tapany Atsimon’i Madagasikara ka anisan’izany ny kere hateraky ny hain-tany mahery vaika, ny krizy nateraky ny aretina covid19, ny rivo-doza sy ny tondra-drano ary ny tsy fisian’ny orana.
Efa misy ny boky mirakitra ireo torolalana enti-miatrika ireny karazana loza ireny. Ny taona 2019 no namoahana azy voalohany.
Ankehitriny, noho ny fiovan’ny toe-draharaha sy ny fahatsapan’ireo mpisehatra amin’ny Fiahiana ara-tsosialin’ireo tokatrana marefo misedra izany loza izany isan-taona,
dia manatanteraka hatrikasa ny Minisiteran’ny Mponina miaraka amin’ireo mpiara-miombon’antoka rehetra ho fanatsarana izany toro lalana enti-manatanteraka izany fiahiana ara-tsosialin’ny mponina any atsimo izany.
Miatrika ity atrikasa ity ireo tomponandraikitra avy amin’ny Minisiteran’ny Mponina avy ao amin’ny Faritra Atsimo Andrefana sy Anosy ary Androy.
Tanjona ny hanaovana jery todika ny ny fomba fiasan’ireo mpiara-miombon’antoka sy ireo mpisehatra isan-tsokajiny nanamboka tamin’ny taona 2019 afahana mandray lesona ho an’izay tranga rehetra ho avy. Eo ihany koa ny fandrindrana ny asa sy ny sora-bola hanohanana ireo tokatrano voakasika amin’izany.
Misolo tena ny Minisitry ny Mponina SOAFILIRA Princia ka mitarika ny fotoana ny Sekretera Jeneraly RAKOTONIRINA Patricia.