« Tonga de action » tarigetran-dRamatoa minisitra NAHARIMAMY Lucien Irmah izany ary hitarihany ny mpiara-miasa eto anivon’ny Minisiteran’ny Mponina. Hita taratra teto amin’ny Hôpitaly manara-penitra CHU Morafeno eto Toamasina izany anio alatsinainy faha 4 mey 2020 raha tonga nanolotra fanampiana toy ny vary, voamaina, tsaramaso, siramamy, sira, menaka, paty, koveta, seau, savony vaingany sy vovony ary « gel main » ho an’ireo mpiasa sy ireo marary ao izy.
Fisaorana lehibe no natolotry ny Talen’ny Hôpitaly manara-penitra ho setrin’izany satria vanim-potoana tena ilan’izy ireo izany fanampiana izany izao. Nanotrona n’y fanolorana izany fanomezana izany ny Minisitry ny Rano sy ireo Talem-paritra vitsivitsy aty amin’ny Faritra Atsinanana ary ny Tale Kabinetran’ny Filoha Lefitry ny Antenimieram-pirenena aty amin’ny Faritany Toamasina.
