FANKALAZANA NY NOELY 2022 MITOHY NY FIARAHA-MIASAN’NY MINISITERAN’NY MPONINA SY NY TETIKASA ANKIZY KRISMASY – TAK

Miisa 300 ireo ankizy avy amin’ireo ivotoerana fandraisana zaza kamboty sy tsy misy mpiahy no nisitraka kilalao sy bisky ary vatomamy ho famalifaliana azy ireo amin’izao fetin’ny Noely izao.
Avy amin’ny ivotoerana maro izy ireo ka nahitana ny Toko Telo, BBsan, Torrent de keirrta, Akany Fiaviana, APE, Triomphe, Fanantena vaovao …
Ny ONG TAK no angady nanana sy nahafahana nanolotra ireo kilalao raha ny Minisiteran’ny Mponina kosa no nanolotra ny bisky sy ny vatomamy ho azy ireo.
Ankizy maro avy any Etazonia no nanangona kilalao hatao fanomezana ho an’ny ankizy ka anisany nahazo izany ireo zaza Malagasy. Kaontenera miisa 49 no tonga eto Madagasikara mitondra izany.
Ny Minisitra SOAFILIRA Princia dia mirary hatrany Krismasy feno fifaliana ho an’ireo Ankizy manerana ny Nosy.