FANOFANANA IREO « INTERVENANTS SOCIAUX », Distrikan’i Sainte Marie

FANOFANANA IREO « INTERVENANTS SOCIAUX  »
Natomboka ny talata 16 febroary 2021 ny fanofanana ireo « intervenants sociaux » miisa 19 tao amin’ny Distrikan’i Sainte Marie. Tonga nanokatra izany tamin’ny fomba ofisialy ny Préfet ao an-toerana notronin’ny Talem-paritry ny mponina Analanjirofo, ny solontenan’ny Sampana mpiahy ny zaza ao amin’ny UNICEF sy ny ATR.
Nohamafisin’Andriamatoa Préfet nandritry ny kabariny ny maha zava-dehibe ny fampihofanana noho ny fitomboan’ny herisetra mihatra amin’ireo ankizy, indrindra ny fanolanana ireo ankizy vavy. Nandray anjara tamin’ny fampihofanana ny teo anivon’ny fitsarana ao Fenoarivo Atsinanana izay vonona hiara-iasa akaiky amin’ireo « intervenants sociaux » amin’ny fanentanana ny olona hitoroka ny tsy mety sy hanabe amin’ny fanaraha-maso akaiky ny ankizy.