Fanomezana avy amin’ny ministera’ny Rano, ny Fidiovana ary ny Fanadiovana (SEBA Isotry)

Tonga teto amin’ny ivon-toerana SEBA Isotry ny zoma 15 mey 2020 Ramatoa Minisitry ny Rano, ny Fidiovana ary ny Fanadiovana, RAKOTOVELOMANANTSOA Voahary. Nandritra izao fitsidihana ity toerana omanin’ny Minisiteran’ny Mponina handraisana ireo fianakaviana sahirana ity no nanolorany « siniben-drano 1000 litatra miisa 2, savony 20 baoritra, Fitaovam-panasana tanana miisa 10, ranom-panafody 5 litatra ary « pulverisateur » miisa 2.

Taorian’izay dia nizara aro-vava ho an’ireo fianakaviana sahirana teo an-toerana ny mpitantana eto amin’ny Minisiteran’ny Mponina notarihin’ny Sekretera Jeneraly, ny Tale Jeneraly misahana ny fiahiana ara-tsosialy. Nitohy avy hatrany tamin’ny fanadiovana sy fanaparitahana ranom-panafody ny efitrano, ny toerana anatiny sy ivelany.