FARITRA SOFIA VATSY TSINJO HO AN’NY MPONINA AO BEFANDRIANA AVARATRA

Nizara vatsy tsinjo ho an’ireo fianakaviana 200 tena marefo ara-pivelomana eny anivon’ny Fokontany tao amin’ny Distrikan’i Befandriana Avaratra, Faritra Sofia ny fitondram-panjakana.

Nomena béquilles miisa 10 ireo olona manana fahasembanana sy lamba firakotra ho an’ireo zokiolona miisa 200 tonga tao.

Nahazo fanampiana sy tohana ara-bola avy amin’ny Praiminisitra NTSAY Christian ihany koa ireo olona manana fahasembanana sy ny fikambanam-behivavy ka anisan’izany ny Viavy Miavotse.

Nitarika ny delegasiona ny Praiminisitra lehiben’ny Governemanta NTSAY Christian izay notronin’ireo mpikambana ao amin’ny Governemanta. Tonga tany an-toerana ny Minisitry ny Atitany sy Fitsinjaram-pahefana TOKELY Justin sy ny Minisitry ny Mponina SOAFILIRA Princia izay mpiahy ny Faritra SOFIA ary ireo manam-pahefana sivily sy miaramila ao an-toerana.