FIATREHANA NY TAOM-PAHAVARATRA ATO ANATIN’NY FARITRA ALAOTRA MANGORO 2023-2024.

Tontosa teto amin’ny hôtel ZAMAMEVA, Ambatondrazaka ny atrik’asa niarahana tamin’ireo Mpitondra sy ireo rantsamangaika eny ifotony ho fiatrehana ny taom-pahavaratra sy ny vanim-potoanan’ny Rivo-doza 2023-2024 eto Madagasikara.

Fivoriana izay tena zavadehibe tokoa satria nahafahana nitondràna fanazavana sy sosokevitra ho an’ny Mponina eny ifotony manoloana ny zavatra mety hiseho ao aloha, mandritra ary aorian’ny vanim-potoanan’ny Rotsak’orana sy ny Rivo-doza eto Madagasikara. Teo koa ny fanamafisana ny fiarahamiasa amin’ireo tomponandraikitra samihafa avy any ifotony mandritra izao taom-pahavaratra izao.

Nanome voninahitra izany moa ny Sekretera Jeneralin’ny Prefektiora, ny avy amin’ny Fiadidiana ny Faritra Alaotra Mangoro ary ny Talem-paritry ny Mponina sy ireo olomanakaja maro sivily sy miaramila.