FITSIDIHANA NY FARITRA ATSINANANA

Namita hiraka nisolo tena ny Minisitry ny Mponina SOAFILIRA Princia tao amin’ny Faritra Atsinanana ny Talen’ny Kabinetra RAMANANIRINA Yan Wilfried.

Nandritra izany no nitsidihan’izy ireo ny « village modèle santé » ao Analamalotra ka tokantrano miisa 816 no nisitraka ny fitaovam-pivoahana manara-penitra, ny fanasianana rano fisotro sy ny famanana rano mandeha amin’ny herin’ny masoandro.

Nijery ihany koa ny fikambanam-behivavy « Self help Group » sy ny Ivotoerana fandraisana vonjimaika ireo fianakaviana ao Tanamakoa.

Tsy diso anjara ny EPP manarapenitra ao Analakininina ka ankizy miisa 50 no niantohana saram-pianarana sy nisitraka fitaovam-pianarana.

Notanterahina ihany koa ny fifanaraham-piaraha-miasa teo amin’ny Minisitera sy ny CRFM ary ny fitsidihana ny tetik’asa « La fabrique » izay ho entina hanampiana ireo tanora mpandraharaha.