Fizarana « kits de dignité » teto amin’ny Minisiteran’ny Mponina

Nanao fizarana « kits de dignité » teto amin’ny Minisiteran’ny Mponina Ramatoa Minisitra anio alakamisy 2 jolay 2020. Vehivavy bevohoka sahirana, vehivavy nisara-bady sy nilaozam-bady, vehivavy niharan’ny fanolanana no nisitraka izany. Savony, lambahoany, serviette hygiénique lavable, serviette de bain, atin’akanjo, zinga, koveta, sceau, fihogo, sotro, lovia, borosy nify, dentifrice, kitapo, lamba firakotra, lamban-jaza ary trousseaux bébé no natolotra tamin’izany.

Nandritra izany no nanentanany ny olona mba hijoro sy ho sahy hiantso ny laharana maitso 813 manoloana ny herisetra mianjady amin’ny vehivavy na ao an-tokantrano na eny anivon’ny fiaraha-monina. Na hanantona ny biraon’ny Minisiteran’ny Mponina sy ny ivon-toerana fandraisana fitarainana. Nanomboka ny 25 aprily 2020 ny fampiharana ny laharana maitso 813. 1437 ny fitarainana voaray mahakasika ny herisetra mianjady amin’ny vehivavy manerana ny Faritra 22 ny 25 aprily hatramin’ny 30 jona 2020. 58 ny tranga voaray ny 25 aprily hatramin’ny 30 aprily. 655 no voaray tamin’ny 01 mey hatramin’ny 31 mey. Ny 01 jona hatramin’ny 30 jona dia nahitana tranga 724.
Ny Minisiteran’ny Mponina dia misokatra ho an’ny rehetra.