MPPSPF sy ny MADE 4 a WOMAN

Mifanome tanana ny Ministeran’ny Mponina sy ny orinasa  » Made 4 a Woman  » ho fampivoarana ny vehivavy.
Noamafisina izany androany 18 desambra tamin’ny fanaovan-tsonia nataon’i Ramatoa Michelle Bavy Angelica, Minisitry ny Mponina, ny Fiahiana ara-tsosialy ary Fampivoarana ny Vehivavy sy Ramatoa Eileen Akbaraly izay mpanorina ny orinasa Made for Woman.
Mifanaraka ny roa tonta amin’ny fanomezan-danja ny zon’ny vehivavy sy ny zatovo vavy indrindra fa ireo marefo sy efa niharan’ny herisetra amin’ny alalan’ny fanomezana azy ireo sehatra afahany mivoatra eo amin’ny fiaraha-monina sy amin’ny alalan’ny asa. Hamokatra asa tanana izy ireo, ho raisin’ny orinasa Made 4 a Woman ny vokatra izay ho aparitaka eo amin’ny tsena manerana an’izao tontolo izay.
Mahazo trai-kefa, manana asa mampidi-bola ary hahaleo-tena ireo vehivavy.