SDPPSPF MORAMANGA: Notolorana « Kits de dignité » miisa 35 ireo Vehivavy MAREFO

Notolorana « Kits de dignité » miisa 35 ireo Vehivavy MAREFO : bevohoka, mpanasa lamba, Vehivavy sy tovovavy niharan’ny herisetra, teto amin’ny Renivohitry ny Distrikan’i Moramanga.

Izao no natao dia ny mba hanamaivanana ny vesatra eo anivon’ny tokantrano izay misy azy ireo vokatry ny Herisetra mianjady aminy.

Nanaovana fanentanana momba ny ady amin’ny herisetra koa izy ireo ary mba sahy hitoroka raha mahita tranga eny anivon’ny fiarahamoninana. Nahitana Seau, Cuvette, Savony, Brosy nify, Lambahoany, … no nomena azy ireo tamin’izany.

Velom-pisaorana ny fitondram-panjakana ankehitriny tamin’ny alalan’ny Ministeran’ny Mponina sy mpiara-miombon’antoka izy ireo noho izany .

« Tsy misy manana ny hoy izy ireo fa sambatra izay mifanampy ».