TANTSOROKA HO AN’IREO TRABOINA ETO ANTANANARIVO

Mitohy hatrany ny fikarohana vahaolana ho an’ireo traboina. Tsy maintsy karakaraina ary tsy maintsy omena ny sakafo sahaza azy izy ireo araka ny toro-marika avy amin’ny Filoha Andry RAJOELINA.

Ho jerena manokana ihany koa ireo tanàna izay dibo-drano ka omena fanampiana any an-toerana ireo mponina traboina. Ny fiaraha-miasa eo amin’ny Kaominina Antananarivo Renivohitra sy ny Faritra Analamanga no hahafahana manatanteraka izany.

Araka izany dia samy manana ny anjara birikiny entina hanampiana ireo traboina ireo ny tomponandraikitra isan-tsokajiny.

Ny Minisiteran’ny Mponina izay tarihin’ny Minisitra SOAFILIRA Princia dia manohy ny fikarakarana, manome toro-hevitra fa indrindra ny manohan’aina azy ireo amin’ny alalan’ny sakafo mafana sy ara-pahasalamana isanandro.