Tompokolahy sy Tompokovavy, …

Araky ny tatitry ny filankevitry ny Minisitra ny alarobia 23 febroary 2022 lasa teo dia hankalazaina any amin’ny Distrikan’i Manakara, Faritra Fitovinany ny fankalazana nationaly ny 8 marsa izay andro iraisam-pirenena ho an’ny vehivavy.

Manoloana ny faharatsian’ny toe-trandro sy ho fisorohana ny voka-dratsy izay mety ho aterak’izany amin’ireo mpandray anjara dia voatery hafindra any amin’ny Distrikan’Antsirabe izany fankalazana izany.

Amin’ny anaran’ny fitondram-panjakana sy ny tenako manokana dia maneho ny fialantsiny aminareo vahoaka, ianareo vehivavy rahavavy izay efa nandroso be tamin’ny fikarakarana.

Tiana anefa ny manamarika fa tsy misy miova ny fandaharam-potoana rehetra izay efa nankatoaviana tamin’ny filan-kevitry ny Minisitra.

NY FITAOM-BITA HONO TSY MAHALEO NY SAMPONA KANEFA ALEO MISOROKA TOY IZAY MITSABO.

Misaotra Tompokolahy

Mankasitraka Tompokovavy

SOAFILIRA Princia

Minisitry ny Mponina, ny Fiahiana ara-tSosialy ary ny Fampivoarana ny Vehivavy.